இத்தனை வித்தியாசமான ஒரு மனிதரை நான் இதுவரை பார்த்திருப்பேனா என்ற கேள்விக்கு பதிலை என்னால் ஊகிக்கமுடியவில்லை. திபெத்தியர் என்று சொல்லலாம் போலிருந்தார். ஆனால் உறுதியாகச் சொல்லமுடியாது.
ஐந்தடிக்கும் குறைவான உயரம், இடுங்கிய கண்கள், தோலில் சுருக்கங்கள், ஏறக்குறைய உடம்பு முழுதும் மூடியிருந்தது - தீ விபத்தில் சிக்கிக்கொண்டு, தப்பிப் பிழைத்தவரோ... குரலில் பிசிறடித்த ஒரு ரீங்காரம் - சற்று கூர்ந்து கேட்டால் தான் புரியும். இத்தனைக்கும் மிகக்குறைவாகத் தான் பேசினார்(!). குரலிலிருந்து வயதைக் கணிக்க முடியவில்லை. உடலிலிருந்து ஒருவிதமான ரசாயன நெடி - ஏதாவது ஃபாக்டரியில் வேலை செய்பவராயிருக்கலாம்.
